أسرارى

الورق صاحبى

مش لاقيا غيرك يا ورقى

اقول وافضفضله همى

كل إلى سمعوا شكويتى

إفتكروا حالهم احسن منى

كإن الوجع نقص

!!!وهما مش بشر يعنى

طب مين فى الدنيا ديا

معندوش هم زىى؟

خبيت حزنى و ألمى

وقلت بلاش فضايح

مهو الى جاى ممكن

يداوى جروح الى رايح

بس الألم زاد

ومعدش القلب سايع

اصرخ و اقول اه ه ه ه ه ه ه

ولا اخلى الورق لى صاحب

هيسمع منى و يدارى

مهما اكتب او اشخبط

مهما اصرخ واعيط

عليا مش هيطنطط

قلبى هيخرج كل الى جواه

ومش هينفجر ولا يقول اه

ولا يحس بإهانه

ولا حد يتريأ

ولا حد يتمنظر

ولا حد يستغبى

ولا حد يستظرف

صاحب بجد يا ورق

صاحب ما كنش على بالى

بس ارجع و اقول يا قلبى

تقدر ترد على سؤالى

هوا صحيح الورق هيدارى

بس مين يا ترى هيداوى؟؟

صاحب بجد يا ورق

بس مش إنت الى فى بالى